Alun dikatokan inyo lah tahu
Alun diaja inyo lah pandai
Ciek ditunjuakkan duo dapek
Urang baduo baradiak.
Dek lamo bakalamoan
Inyo bajalan anyolai
Sabanta garan pajalanan
Basuo pulo kandiak gadang
Gadangnyo ukan kapalang
Inyo bakato anyolai
"Siko paruik mangko kanyang
Siko salero mangko pueh.
Manjawab si Murai Randin
"Pintak dimakan badan kami
Pado hiduik baiklah mati,"
Bakato kandiak nan gadang:
"Indak ka jadi kau den makan
Jo apolah kau den lapeh
Bauang bapitih den indak
Tariaklah di kau rantai den
Kok kau tariak rantai nantun
Indak kau talok di nan tajam
Indak kau dimakan basi
Indak kau dirnakan batu."
Lah ditariaknyo rantai nantun
Inyo bajalan anyolai.
Sadang sabulan pajalanan
Paneh nan bukan alang-alang
Kok paneh kama balinduang
Sabatang tak ado bakayu
Sarumpun tak baganjo
Litak kama mintak nasi
Hauih kama mintak aia
Litak badan ukan kapalang
Hauih nan bukan alang-alang.
Manangih si Murai Randin
"Tuan mintakkan den baa nasi
Tuan carikan baa aia
68
