Darah bak cando anak sungai
Adiak ka dibunuh urang
Jan kito bahanti siko
Kito mahinda jauah-jauah!"
Bakato si Murai Randin:
"Panto sudah den patokan
Dibao urang Koto Tuo
Kato sudah den katokan
Pantang hambo barasak siko
Hiduik mati kito tantukan
Kok iyo padang panyamunan
Kito cubo agak sabanta
Kito tahan angek dingin
Sakik sanang baruak elok
Basuo di badan kito
Baitu adat rang marantau."
Manangih si Manjau Ari
"Murai Randin Adiak kanduang
Marilah kito bajalan
Ka mati adiak kanduang!"
Manjawab si Manjau Ari
"Hiduik mati indak bacarai
Hiduik jo mati tuan kaji
Salangkah turun di rumah
Mati juo nan hambo niat.'
Bahanti si Murai Randin
Lah mamakai ameh jo perak
Dipakainyo intan jo podi.
Bakato si Manjau Ari
"Iko pakaian nan kau pakai
Adiak kok sio-sio
Musuah jan dicari-cari
Kok basuo jan dihindakan
Sadang nan suko disamunnyo
Ukan urang manyamun ameh
70
