Angok ang nan ka ang rilakan
Si Murai agiahkan di ang.
Bakato si Manjau Ari
"Kok angok den ka den barikan
Kok si Murai ka dibao
Lawan si Murai dahulu!"
Alah dituruik dek Mahampiang Basi
Bakato inyo ka si Murai
"Murai pai kau jo hambo!"
Manjawab si Murai Randin
"Jan tuan sabuik duo kali
Maramang bulu mandangakan."
Bakato Mahampiang Basi
"Kok indak amuah kau pai
Urak lah ameh perakkau
Di hari sahari nangko
Anggak pai badan mati
Amuah pai badan hiduik."
Bakato si Murai Randin
"Tuan den Mahampiang Basi
Pado ameh den tuan bao
Angok den ambiak dahulu
Ukan den takabua pado Allah
Den nyak mancubo tuan bana
Tuan tadanga kuek kaba
Kito bacubo agak sabanta
Mak tahu di sakik hiduik
Mak tahu di angek dingin.”
Bakato Mahampiang Basi
"Murai Randin adiak kanduang!
Salaruik salamo nangko
Alun kato den bajawab
Alun gayuang den basambuik."
Manjawab si Murai Randin
72
