Dipakuak sakali lai
Bakato si Murai Randin
"Tuan nambek moh dahulu
Mak den ikek malah sanggua den.”
Sadang mamelok-meloki sanggua
Dipakuak sakali lai.
Bakato si Murai Randin:
"Tuan denai Mahampiang Basi
Indak buliah mamintak janji
Sadang mamelok-melok abuak
Mangko tuan pakuak juo
Tuan ka pasiak malah anyo
Jo siapo tuan bamain
Tuan bahantilah dahulu"
Lah bangih Mahampiang Basi
Kanai kato sadamikian.
Bakato si Murai Randin
"Indak elok urang pambangih
Urang pambangih hilang aka
Urang parabo dalam kanai.
Indak elok urang paharok
Urang paharok indak buliah
Indak elok urang pancameh
Urang pancameh kahilangan.
Sabakan hati dahulu'
Dipakuak sakali lai.
Bakato si Murai Randin
"Lah sakapua siriah
Hambo mambaleh anyolai."
Inyo bapantun anyolai
"Tuan denai Mahampiang Basi
Dangakan di tuan pantun hambo
Kok mandi usah di banda
Di banda rang Ampek Angkek
Kok mati usah manyasa
Bamain jo paja ketek.
74
