Kuek nan indak buliah lawan
Nan mangango nan mangangam
Nan manganyam asok badiak
Baitu bagak rang panyamun.
Bakato Maruntun Manau;
"Manjau, marilah ang Manjau
Murai marilah kau Murai"
Bakato si Manjau Ari
"Kok nyao den ka den barikan
Kok si Murai ka tuan bao
Lawan si Murai dahulu."
Lah dituruiknyo anyolai
Io dek Maruntun Manau
Sato tibo padang disintak
Dipakuakkannyolah padangnyo.
Bakato si Murai Randin
"Camiah mati den tu cako
Den mambalakang tuan pakuak
Iyo bana kuek tuan
Iyo tajam padang tuan
Tuan nambek moh dahulu
Nanti den sanggua abuak den."
Dipakuak sakali lai
Dipakuak tinggi nyo marandah
Dipakuak randah nyo maninggi
Diam diambuang-ambuang padang
Dirambah indak nyo kanai
Putuih-putuih batang kayu
Kanai padang Maruntun Manau
Bakato si Murai Randin:
"Iyo moh kuek bana tuan
Iyo moh tajam padang tuan
Sale sakuek nangko bana
Jan Tuan duduak manyamun
76
