"Adiak kanduang si Moerai Randin
Antah kamano-mano ka pai."
Dek lamo lambek di jalan
Masuak rimbo kalua rimbo
Basuo tuo rang panyamun
Banamo Mahayun Bukik
Tinggi nan indak buliah lawan
Gadang nan indak samo jonyo
Guluang siriahnyo sikua kabau
Tampat timbakau sikua bantiang
Mamakan siriah jo ureknyo
Mamakan pinang jo tandannyo
Mamakan gambia bak mamaham
Hiduang sagadang rangkiang
Sekali melansiang hingua
Tapakok Muaro Anai
Incek mato sagadang mumbang.
Bakato Mahayun Bukik
Manjau Alah moh ang tibo
Lah lamo den manantikan
Manjau marilah ang
Si Manjau anak ka panginang
Si Moerai pangasuah paja."
Bakato si Manjau Ari
"Jan baitu kato tuan
Tuan lah lamo den nantikan
Den bamukasuik bakeh tuan
Tuan tasabuik rang barani
Tuan tabilang kuek kaba
Sampai ka lauik jo ka rantau
Tuan barani janyo urang
Lah banyak rantau nan den tampuah
Banyak panyamunan nan den jalang
Indak urang balawan joden
Singgan si Murai lah bih'mati
Kinilah kito bacuboan.
78
