Nan kok mati den dek tuan
Ambiak ameh perak den
Bao si Murai dek tuan"
Inyo bamain anyolai.
Bakato inyo sadang bamain
"Murai Randin adiak kanduang
Pacik pitaruah den dek adiak
Pacik umanat taguah-taguah!
Jokok malang tumbuah di kito
Nan kok mati badan diri den
Awak den usah kau tangihi.'
"Insya Allah baiaklah tuan."
Jawabnyo si Murai Randin
Dek lamo lambek inyo main
Lah sabulan duo bulan
Lah tigo bulan lamo main
Indaklah bakanaian juo
Sampai abuak sainggån lutuik
Dek lunyah Mahayuan Bukik.
Lah ka satahun anyolai
Lah patah padang si Manjau
Manangih si Murai Randin
Hibo dek badan ka jauah
Dunsanak mati dalam rimbo
Inyo manangih anyolai
"Tuan den Mahayuan Bukik
Usah tuan den tuan bunuah”
Bapantun sadang bamain
"Tuan den si Manjau Ari
Jarajak ditanah taban
Simantuang di parik putuih
Kamano ka manjulai lai
Bakeh bapijak lah taban
Bakeh bagantuang lah putuih
Kama ka manggbai lai."
79
