Bakato Mahayuan Bukik
Murai, marilah kau Murai
Si Manjau alah den bunuah!"
Bakato si Murai Randin:
"Pintak tuan raso ka buliah
Kahandak raso ka balaku
Den mamintak bakeh tuan
Kok ka pai den jo tuan
Kok buliah pintak den tuan
Mak den pai mamintak ijin
Mak den pai mamintak rila.
Baitu adat badunsanak
Tuan den tingga dalam rimbo
Den ka pai jo tuan."
Dek harok Mahayun Bukik
Bakato inyo ka si Murai
Muerai, pailah kau bajalan
Mamintak ijin kau dahulu
Mak den nantikan siko"
Bajalan si Muerai Randin
Lalu bakato anyolai
"Kanai tipu kanai tepok
Kanai umbuak apo kan dayo
Bak undang-undang urang tuo
"Tuan denai Mahayun Bukik
Lapeh ditangan jan diharok
Di muluik manih jan picayo.
Sadang jo tampuruang den tak mandi
Kok kunun batimbo tangan
Sadang takuruang den tak mati
Kok kunun di tangah jalan."
Bajalan juolah si Murai
Didapekinyo kironyo si Manjau
Si Manjau sadang manangih
Manangih di dalam rimbo.
Bakato si Murai Randin:
80
