"Mahayun jo den di ang hai!
Dek hari nan sahari ko
Hukun sampai aja ang sudah
Rencong den bakato jantan."
Dilapehkannyo rencongnyo
Inyo mandonyek inyo mandoncang
Hilang aka Mahayun Bukik
Dipakuak di Mahayun Bukik
Basitukak inyo ka pungguang.
Bapantun si Murai Randin:
"Karanjang gadang di pulau
Bakeh urang bajua itiak
Kok gadang kununlah ungau
Rencong di pungguang basitukiak."
Lah masuik kadalam badan
Lah paniang Mahayun Bukik
Dek lamo bakalamoan
Lah rusuah Mahayuan Bukik.
Bakato si Murai Randin
"Anak rang di Ampang Gadang
Nak lalu ka Koto Tuo
Lah mati nan gadang panjang
Lah dilabuaknyo rimbo rayo.
Anak rang di Koto Gadang
Nak lalu ka pakan Simabua
Lah mati nan gadang panjang
Darah lah bagabua-gabua.
Manangih si Murai Randin
"Tuan denai Mahayun Bukik
Baa den tuan jadikan
Kato tuan ka tuan bao."
Bakato si Manjau Ari:
"Murai Randin adiak kanduang!
Ka pasiak malah ko adiak
Urang mati nan kau tangihi
82
