Usah ka ratak retai indak
Sewahnyo patah patigo.
Dek lamo bakalamoan
Disandakannyo adiaknyo tu.
"Murai Randin adiak kanduang!
Adiak tinggalah di siko
Tingga jo ameh joperak
Tingga jo alat jo pakaian.
Adiak nan sadang bapakaian
Ditinggakan di dalam rimbo.
Pucuak linggalah-linggalah
Pucuak jawi-jawi mudo
Adiak tingagalah-tinggalah
Isuak den babaliak pulo."
Inyo bajalan anyolai
Lah sabanta pajalanan
Mamakiak si Murai Randin:
"Tuan babaliak moh dahulu
Jo sia den tuan tinggakan?"
Maingok si Manjau suruik
Tingaran adiak mahimbau
Balari-lari nyo babaliak
Didapekinyo baitu juo
Sapueh-pueh manangih
Bajalan pulo si Manjau
Mamakiak si Murai Randin
Babaliak suruik si Manjau
Didapekinyo adiaknyo tu
Rupo nan baitu juo
Baguliak-guliak inyo manangih
Dek untuang takadia Allah
Turun suaro dari langik
Bakato suaro tu:
"Manjau Ari o nak kanduang
Usah ang dalang di si Murai
Pitaruahkan di ang si Murai
Mangkonyo buliah ditinggakan
86
