Awak bajalan surang diri
Manangih sapanjang jalan
Baru takana di adiak
Duduak manangih si Manjau
Lah sabulan pajalanan
Kawan tidak kaumpun tidak
Bajalan bahibo hati
Basuo jo batang aia
Batang aia duo basimpang
Sasimpang aiannyo janiah
Sasimpang karuah-karuah karak.
Ragulah hati si Manjau Ari.
"Manokal nan ka den turuik
Kok den turuikkan nan karuah ko
Ado binatang dihulunyo
Kok den turuikkan nan janiah ko
Ado manusia di hulunyo."
Dituruikan malah nan janiah
Dek lamo lambek di jalan
Lah sabulan pajalanan
Tingaran di nyo bunyi murai
Inyo bakato anyolai.
"Ado pulai adolah bakuang
Ado bakuang di ateh dulang
Ado murai adolah kampuang
Kampuang itu baisi urang
Tapasah ka kampuang urang
Basuo jirek sabuah
Endah jirek ukan kapalang
Rancak nan ukan alang-alang
Batirai balangik-langik
Ukia batatah aia ameh.
Bakato si Manjau Ari:
"Rajo di manokah nan mati
Sutan dimanokah nan mati?"
Satangah hati nak manampuah
Ka ditampuah badan lah takuik.
88
