Takalo kato hambo katokan
Lah sampai hambo bakato
Tigo kali hambo tanyoi
Urang tu indak manyahuik
Dek lamo lah malu pulo
Mangko hambo babaliak pulang
Dek itu nasi tak bamakan
Dek itu aia tak baninun.
Bakato Mande Rubiah
"Bialah denai mak ka sanan
Mak den mambao nasi
Mak den mambao kopi.
Kok sampai den bajalan
Kok batanyo Puti Kasumbo
Katokan den ka aia
Kok batanyo Puti Bonsu
Katokan den ka jamua."
Bajalan Mande Rubiah
Dek lamo lambek di jalan
Lah tibo pulo di jirek
Saluang babunyi didapeki
Dek harok Mande Rubiah
Iyo di sang!:o anak kanduang
Dek roman indak balain
Dek gadang sarupo samiang
Iyo disangko anak awak
"Anak den rang mudo nangko
Jan rintang basaluang juo
Makanlah nasi den bao
Minunlah kopi mande ko."
Manjawab si Manjau Ari:
"Ka pasiak malah mande
Urang buruak dibari nasi
Urang hino dibari aia."
Manjawab Mande Rubiah:
"Mangko den uluii nasi
Mangko den hantai kopi
92
