Awak hambo gubalo kudo
Kudo dibali bapak hambo
Kudo hambo lari masuak rimbo
Kudo hambo tidak dapek lai
Hambopun indak pulang pulo
Takuik hambo kaberangan
Bakato Mande Rubiah
"Jan lamo kito disiko
Marilah kito ka kampuang
Jokok le sampai hati anak
Maliek rumah buruak hambo."
Bakato si Manjau Ari
"Ka pai hambo jo mande
Ikolah rupo jinih badan
Malu hambo di urang kampuang."
Manjawab Mande Rubiah:
"Kain jo baju jan dirusuahkan
Alat pakaian banyak bana
Pusako Manangkai Ali
Itu pakai di anak kanduang."
Dek indak buliah batangguah
Lalu pai anyolai
Ka rumah Mande Rubiah
Lah tibo pulo di rumah
Duduak didakek parian.
Bakato Mande Rubiah
"Mangapo anak duduak sinan
Anak kanduang kamari duduak!"
Manjawab si Manjau Ari:
"Indak hambo panah duduak sinan
Indak asa hambo duduak sinan."
Bakato Mande Rubiah:
"Kambang mari hambo suruah
Naiak kau kaateh anjuang
Suruah turunlah aciak kau
94
