Manyahik tabuah suok kida
Lah datang urang sadonyo
Ka rumah Mande Rubiah,
Bakato malah cadiak pandai
"Ampunlah kami Mande kanduang
Apo sabab tabuah bagua
Dimano ranjau nan batundo
Dimano parang nan badiri
Dimano panghulu buliah malu?”
Manjawab Mande Rubiah
"Kok itu nan ditarangi
Indaklah nan bak kian.
Mangko tabuah ko den gua
Hambo kadatangan urang
Niat makasuik di hati hambo
Kito mamancang galanggang
Galanggang mancari jodo
Galanggang Puti Kasumbo
Mak kito basuko-suko
Mak kito bagalak-galak.
Kato sapatah batarimo
Kato sabuah badangakan.
"Kok baitu titah Mande
Kok bajariah kami amuah
Takuaklah hari kutikonyo."
Manjawab Mande Rubiah
"Bari janji hambo dahulu
Tigo hari hambo bajanji.
Di hari nan tigo hari
Saketek indak dihantikan
Mahasiakan pakai galanggang
Janjian sampai tigo hari
Rang banyak hasia samonyo
Mambao pakaian surang-surang
Mambao ameh dangan perak.
98
