Dimalam samalam nantun
Sakalok indak ditiduakan
Duo kali ayam bakukuak
Cukuik katigo hari siang
Lah sabulan duo bulan
Lah sampai sabilangan
Lahialah anak Puti Kasumbo
lo lah anak laki-laki
Tibo dirasuak rasuak patah
Tibo dibatu batu pacal
Sahari ado sahari bakato.
Bakato Puti Kasumbo
"Tuan jo den di tuan!
Anak hambo lahia kadunia
Siapo ka namo anak-kito?"
Manjawab si Manjau Ari:
Namo nyo jan kau susahkan
Namo lah sudah dahulunyo
Namonyo dapek dalam surek
Banamo Rangin Pamenan.
Lah Satahun duo tahun
Lahia pulo anak nan kaduo
Bakato Puti Kasumbo:
"Tuan den si Manjau Ari!
Siapo ka namo anak kito?"
Manjawab si Manjau Ari:
"Namo lah sudah dahulunyo
Namonyo dapek dalam surek
Namonyo si Rajo Nya yo."
Lah sabulan duo bulan
Bakato si Manjau Ari:
"Anak kanduang Rangin Pamenan
Anak kanduang si Rajo Nyayo!
Mak den ayun den buaikan
O buai o buai
Anak kanduang laloklah lalok."
100
