Inyolah naiak ka ateh rumah
Lah naiak inyo sadonyo
Lah duduak Puti Kasumbo
Awak nan batujuah urang.
Talatak carano perak
Bakato Puti Nan Bonsu
"Dangakan bana den katokan
Kito duduak basamo-basamo
Makan siriah basuko-suko."
Lah duduak Puti Taruih Mato
Makan siriah pulo sadonyo
Masak sirih sakapua surang.
Bakato Puti Kasumbo
"Nak rang di Bukik Tinggi
Nak lalu ka Kampuang Perak
Tarago hari balun tinggi
Eloklah kato kito bukak.
Manjawab Puti Taruih Mato:
"Adiak kanduang Puti Kasumbo
Nambek baguluik bagalosang
Baolak-olai maknyo lamo."
Dek lamo bapacah-pacah
Barauri si Kambang Manih
Masak kopi masaklah nasi
Io basanduak anyolai.
Bakato Puti Taruih Mato
"Adiak kanduang Puti Kasumbo
Adiak kanduang basuahlah tangan.'
Manjawab Puti Kasumbo
"Kok nasi ka kami makan
Japuiklah kakak nan baduo!”
Manjawab Puti Taruih Mato:
"Insya Allah jadilah Adiak."
Dijapuik Adiak nan baduo
132
