Bukan kami mahambekkan
Adat pusako balun tahu
Adiak kito kan ketek baru
Kok namuah kami malapeh
Lah ka suko adiak manarimo
Kok basuo hino jo malu
Kami jan adiak sasai."
Manjawab Puti Kasumbo
"Jan itu Aciak camehkan
Adat pusoko kami tahu
Hino malu inyo lah tahu."
Tando babaluak anyolai
Lah sudah babaluak tando
Balari Puti Taruih Mato.
"Adiak kanduang Sutan di Kinali!
Apo ka tenggang bicara den?
Puti Kasambo manjapuik adiak
Adiak dibaonyo kasanan
Ka ranah kampuang si Murai
Ka rumah si Murai Randin.
Japuik tabao di Kasumbo
Anggan tak buliah dikatokan
Nan labiah hambo rusuahkan
Adiak ka bajalan surang.
Nan manokoh Sutan ka dijapuik
Dimano rang mudo nan ka kawan?”
Bakato Sutan di Kinali
"Jan itu kakak rusuahkan
Sacacah buliah den kawan."
Digua tabuah larangan
Babondong tabuah nan banyak
Mamakai anak sutan sutan
Mamakai anak mudo-mudo
Mamakai anak rando gadih.
Dek lamo bakalamoan
134
