Di rumah Puti Kasumbo
Inyo lah naiak ka ateh rumah
Barapolah suko Mande Rubiah
Mancaliak anak jo minantu.
Bakato Puti Kasumbo
"Amai den Mande Rubiah!
Tinggalah mande di rumalı
Mak kami pai jo si Murai
Lamo lambek marusuah juo
Mak kami manataplah disanan."
Manjawab Mande Rubiah
"Anak ka diam disanan
Samo disanan malah kito
Bia mak tingga rumah gadang."
Lah diangkuik pakaian rumah
Rumah tingga indak baisi.
Lah bajalan inyo sadonyo
Sampailah ka rumah si Murai
Tacangang mande si Manjau
Mancaliak urang mambao baban
Agak tacamneh dalam hati
Balari Puti Kasumbo
"Mak sanang hati si Murai
Lah barangkuik kami kamari.'
Manjawab mande si Murai
"Anak kanduang Puti Kasumbo!
Itulah nan den niat bana
Nak buliah basuko-suko."
Kununlah mande Rubiah
Inyo basuo anyolai
Sadang jo Puti Linduang Bulan.
Dek lamo barundiang-rundiang
Bakato mande si Manjau:
"Kak hai Mande Rubiah!
Heranlah hambo mamandangi
138
