Hambo jujuang bagai mantari
Baanyo kasiah carai juo.
Dangakan sabuah lai
Rumah gadang babandua perak
Diukia anak rajo-rajo
Tagang indak kanduapun indak
Manganyo tali putuih sajo.
Manolah Bundo kanduang hambo
Mari kito bajawek salam
Hambo bajalan anyolai
Antah sakik di rantau urang
Garak Allah siapo tahu.
Dangakan juo di mande
Baladang panjanglah kito
Jan taro mananam rumpuik
Tulak balakang malah kito
Jan taro maingo suruik.
Bakato pulo si Manjau
Harun manih baunyo kunik
Dibao sutan ka Malako.
Bundo hilia hambo nak mudiak
Tulak balakang malah kito.”
Mandenyo babaliak pulang
Si Manjau bajalan jauah.
Dek lamo lambek di jalan
Masuak rimbo
Kalúa rimbo
Male bukiklah didaki
Male lurah lah dituruni
Alah sapakan duo pakan
Minun tidak makanpun tidak
Hauih kamano mintak aia.
Lapa kamano minta nasi
Dalam rimbo piatu nantun
Dek lamo lambek di jalan
44
