Manjawab si Manjau Ari:
"Dangakan malah di tuan"
Tinggi bubuangan rumah darek
Tampak nan dari Bukik Tinggi.
Paruntuangan mamboa larek
Itulah hambo mangko kamari."
Manjawab rajo di Kinali:
"Kok hujan hari di rimbo
Kama den maambiak tuduang
Ka parak Bagindo Ali.
Baa koh jadi baiko
Saisuak dibaliak gunuang
Kini adiak sampai kamari."
Bakato si Manjau Ari
"Ikek-baikek paruah anggang
Makan barulang ka jarami.
Malaikat mambao tobang
Mangko hambo sampai kamari
Bakato rajo di Kinali:
"Adiak kanduang si Manjau Ari!
Dangakan bana kato hambo
Apo bana sabab karanonyo
Mangko bajalan dari kampuang
Sia bana nan mamberangi?”
Bakato si Manjau Ari
"Dangakan bana pantun hambo
Pasa gadang parang bakabuik
Ulando pulang manembak
Durian pupua dek bungonyo.
Tuan denai rajo di Kinali
Sambuiklah baa dagang hanyuik
Pueh dilamun-lamun ombak
46
