Di bawah tapak kaki tuan.
Katokan bana sungguh-sungguah
Katokan malah nan diliek
Isuak mak hambo boleh guno.
Manjawab rajo di Kinali
"Adiak kanduang si Murai Randin
Pasan si Manjau nan den bao
Uluakan rencong jo pakaiannyo
Itulah pasan nan den bao
Di sinan inyo manantikan
Di karambia atua tungku
Di pinang nan linggayuaran
Di batu sandaran rajo."
Bakato si Murai Randin
"Tuan den rajo di Kinali
Tuan naiak moh ka rumah
Naiak ka rumah makan siriah!"
Manjawab rajo di Kinali:
"Padialah hambo tak ka rumah
Tajalang di hambo halaman kau
Labiah bak minun jo makan
Tatampuah di den kampuang adiak
Ketek bak raso ka gadang
Binguang bak raso le cadiak."
Bajatan rajo di Kinali
Rang mudo si Murai Randin
Managih bagolek-gole k
Bukan rajo nan ditangihi
Inyo takana di si Manjau.
Bakato si Murai Randin
Bakato sadang managih
Managih mamakiak panjang
"Tuan manyahuik malah den hambau
Tuan den si Manjau Ari!
Rimbo mano nan ditunggui
Kampuang nan mano dihunyikan
Tuan manyahuiklah manyahuik
52
