11
indak mas kan dipiliah iko lamak etan katudju nan
injo untuak aiek gadang bagandiang minantu djo minantu baadu santiang kapandaian indak tahu siang djo malam siaplah djuadah salanjuiknjo ataupun samba djo gulanjo.
Baitu pulo nan laki-laki sibuak bakaradjo tangah laman paga nan rumpang lah disisiek samak nan tinggi alah ditabeh rumpuik nan pandjang lah dibuang ditjat alah ditjat sananglah mato memandangi sabuah indak ado nan kurang.
Baitu pulo diateh rumah induak-induak lah bakameh pulo dibarasiahkan rumah djinieh djinieh dibantangkan lapiek paredani paralu kasua gadang taba takambang tirai langik-langik takanak separai kain pulih berendo baukie-ukie buatan gadih Banuhampu.
Sananglah hati mandeh djo bapak indak ado raso nan kurang dari dapua lalu katangah dari halaman sampai kadjalan, Undangan alah pulo dilapeh karik karabat kaba djo kawan ninik mamak basa batuah alim ulama surato tuanku imam katik indak nan lupo baitu pulo sutan karunia dimbau kawan samo gadang nan dakek dilapeh djo kato nan djauh dilapeh dio undangan maklumlah Sutan Karunia uranh mudo banamo gadang tiok kampuang ado kawannjo mao tingga. indak raso ado nan tingga.
