12
II
NIAT SAMPAI, KAUA LAH LAPEH
LAH TIBO djandji nan ditukuak tibo dipadan nan baukua jo dirumah Siti Mariam tatagak randjang kui besl bukan buatan Surabaja tapi buatan tanan lnggirih Sangadjo bana pai mambali ka Kampuang Tjino di Bukittinggi lah dipasang kalambu kain ambun dipaluik kulambu kain satin satin barono hidjau mudo radjuak raso pantjaliak-an kulambu babungo suok kida basulam djo banang suto haluih tahampa tjando bungo limbajung kuek bakaik bungo jalan sudah babungo baburuang pula sasusai sadjo sulamanjo buatan tangan Siti Mariam. Takanak pulo tjanto saperai sarono djo kain kalambu sadjuak di mato urang nan banjak pandai bana urang malukis bagai digamba diukiekan tapasang saruang banta guliang susun basusun dalam randjang guliang malintang ba-rendo-rendo ditaba pulo djo bungo rampai bungo rampai nak rang Padang harum batjampuik minjak wangi tabiek salero mantjaliak sampai kedalam sum-sum tulang bek tjando sarugo hiduik-hiduik kok dapek manumpang lalok sinan namuahnjo karieng pitih dipinggang baitu bana kan rantjaknjo.
Dikira pandang katangah biliek talatak medja bunda medja djati tjoklat tuo ampek kurisi malingkungi kurisi babari banta pulo kain biludu biru hidjau baukie djo bungo talipuk sarato djo bungo matoari aleh medja baitu alehnjo banang basulam banang Deemse djanja urang babagai-bagai warononjo turun badjuntai katapi medja buatan tangan Siti Mariam ditengah medja telatak djmbangan vaas bungo kato rang kini baisi do bungo hiduik bungo dahlia merah mudo barado djo bungo mawar pandai bana burang manjusun dek mato mamandangi
