15
Namun hari sehari nantun urang rami badatangan
nan djauh datang badjapuik nan dakek datang baganti karik baik ipa djo bisan samo latiah di hari nantun. tidak sorang raso nan tingga habih maajak kasadonjo. banjak lapeh aleh Siti Mariam Marasai urang didapek apo dimasak apo tandeh badaso bana piti habih baitu pulo urang datang bukan datang sumbarang datang datang tjukuik djo pambawoan untuak mandjalang Siti Mariam ado mambwo kain Pandjang ado mambawo kado hak kito urang lah baluangguak dimuko biliak nan batungkuih nan bakotak kok indak mau bagadang bia datang nan baketek. Baitu pulo urang djauah kawan mandaiang bapak siUpiak kawan rasian maso hiduik dek bapak banjak budi baiek bapak urang nan tidak malupokan kini dapek mambaleh guno dibaleh kini bakeh anaknjo lo nan gadih Siti Mariam.
Lorong kapado mandeh Sutan Karunia aleknjo sangat rami pulo indak tabado urang datang Kalampusingan urang dapua panek batanak djo manggulai sahinggo hati bapak mandeh lapeh mukasuik nan didjinto indak taraso pitih habih baitu pulo dialek datang djuadab indak tatagun-tegun pangka sigap djo Kuradjo basanang hati alek datang.
Tigo hari alek balangsuang urang datang indak temponjo naiek tjiek turun djiek hari kuampek alek usai lah tingga Sutan Karunia dje bininjo Siti Mariam hati gadang taragak lapeh jo bana bak pantun urang:
- salisiah majang dari kubu
- dibaok nak urang dari bagan:
- Kasia sanjang djolong batamu,
- kinilah baru bakasampaian
