17
Lah sahari duo hari lahtjukuik babulan pabaaran tiok hari bagadang hati indak takana hari bisuak gilo kapasa tiok hari rintang manonton komidi gambar bakodak tiok tjatjah labieh-labieh Siti Mariam. kok pulang laputang hari bapantang badjalan kaki babendi duduak basandieng itu duduak basadiang itu dihati nan katudju muhangek kawan samo gadang bara geleng kulatiak djari dunia bak raso awak punjo indak urang sagagab awak labieh bak katerek karani kantua.
Dek lamo bakalamoan biduik bapoja tiok hari indak ado mantjari pitih rintang malagak djo manalen lauik ditimbo lai kan kariang indak sadang dadak dek kudo hukopor pitih talatak kok baitu tjando balandjo indak doh sadang minjak kan panggoreng.
Kalau dilihek mamak kanduang nan bagala si Muntjak Udin rintang djo bini rantjak pulo pakaian karadjo siang malam saibarat kabau djo padati lapeh kasawah lalu kaparak sudah kaparak masuak katabek sudah tabek manjahik pulo. Kamanakanlah bak njo kamakan sadjak Mariam dipalakikan njo manjangko lah lapeh tang kai indak ado mandjingok-djingok sapatah kato indak batanjo.
Lorong kapado Siti Mariam lai basawah duo tumpak nan satumpak sawah gadang dibuek mamak untuak babinjo nan ketek dek si Mariam tapi indak bauruhkan kok sawah bak njo sawah kok padi bak njo padi mambali bareh Siti Mariam samiang indak tapikia dek mamak si Muntjak Udin tapi sungguahpun baitu sanang sadjo hati si Mariam disangko injo bapitih djuo lai banjak simpanannjo.
Mantjaliek parangai mamak kanduang nan banamo Muntjak Udin tabiaklah pikiran. Sutan Karunia Djiko bak nangko taruih manaruih amuah marusak badan diri
