19
Hari batambah tinggi djuo nasi tahidang dek Mariam lah makan Sutan Karunia dek lamak gulai si Mariam makan batambuah Sutan Karunia makan nan ba duo pulo paruik kanjang arakiah lapeh dipatiak rokok sabatang asok mandjulang ka udaro sinan baru dikatokan:
Adiak kanduang Siti Mariam ado sabuah ka den sabuik kok lai bana samo dipakai makasuik nak pai karumah mandeh ado kato kan dikatokan bia den pai surang sadjo buliah lakeh den babaliak.
Mandjawab Siti Mariam : Kok baitu kato tuan den lapeh djo hati sutji lakeh-lakeh tuan babaliak nak sanang hati adiak tingga.
Mandanga kato Siti Mariam sananglah hati Sutan Karunia dilakekkan pakaian maso itu lalu turun kaba laman badjalan bagageh-gageh lah sabanta antaronjo lah tibo injo disinan io dirumah mandeh kanduang lang kah nan suok dilangkahkan kironjo mandeh lai dirumah duo djo bapak kanduang diri mandeh mangunjah-ngunjah siriah bapak rintang djo buatan sadang mampaolok-i kandang ajam tadanga suaro anak kanduang karumah bapak bagageh-gageh ditjaliek anak dipandangi tasirok darah didado anaklah lamo tak datang-datang rintang bakubua dirumah bini tapikia bapak maso nantun apo garan nan tadjadi mako Karunia datang karumah hari nan baru pagi-pagi datangnjo bagageh-gageh sabagai urang katjamasan. Mandeh basugiro pulo kadapua dibawo kawa tabuang kopi untuak minum anak kanduang salasai kopi dihiruik lah marokok sabatang surang sinan baka to Sutan Karunia :
Manolah bapak sarato mandeh lah anam bulan hambo sumando karumah Siti Mariam hambo nan indak baka radjo mangaleh indak. kasawah indak kok kasawah indak biaso hiduik biaso kaparak mandeh kok taruih batjando iko alamat kan sansai badan diri. baitu pulo
