21
bapak djo hati sutji doakan salamaek pulang pai ba dan sihat rasaki murah nan kaputusan hambo surang hari Rabaa hambo barangkek naik oto di Kampuang Tjino
Bakato pulo bapak kanduang : Pandai-pandai ang mangetjek ka si Upiak Siti Mariam tjaliak hatinjo sa dang riang sinan baru disampaikan usah baguluik ba galonsong urang padusi paibo hati labiah-labiah bak tjando injo badan tasarah bakeh ang kok lai bana ma mak kanduangnjo elok bamamak kabatang dadok buliah panggauik-panggauik gata kalau dipikia-pikia bana sulik Mariam ditinggakan lah njato wa ang diharokkannjo indak ado tampek mangadu kini ang badjalan pulo badjalan karantau urang djo sia injo ditinggakan tapi kok pandai ang batutua indak kabarek injo malapeh tarangkan makusuik baik djan injo basusah hati itu sadjo pitaruh denai.
Lah tinggi tandonjo hari sinan bakato Sutan Karunia: Kalau baitu nan kato bapak baitu pulo bakato mandeh elok hambo pulang lai karumah Siti Mariam digandjua langkah dek Karunia lah turun tjando kahala man manudju rumah adiak kanduang sabanta sadjo antaronjo tibo Karunia disinan etan dirumah padu sinjo sanang hati Siti Mariam bakato injo maso itu : Lah putiah mato dek mananti tuan alun djuo pulang kamano tjako tuan pai mangko salamo itu dek Karunia pandai mambungkuih saketek indak lai mangasan man djawab Sutan Karunia :
Adiak kanduang Siti Mariam dek ambo lambek disinan bukan ambo balalai-lalai bukan ado suato datang hanjolah bapak mandeh lah taragak indak buliah hambo badjalan sabalun salasai minum makan itu mako badan talambek.
