23
duak takana badan kabatjarai antah pabilo kabasuo bak kato pantun urang djuo :
Batang salasiah didjarami
sakah sabatang rantiang pauah
ditimpo batang kuwini.
Kasiah nan baru dimulai
dibawo badjalan marantau djauah
alangkah hibonjo hati kami.
Anak rang di Batusangka
pai kapasa babalandjo.
Tuan badjalan adiak lah tingga
takana malam tangihkan sadjo
Dilihek lalu dipandangi adiak kanduang Siti Mari- am sadang lalok njanjak tidua bunji angok tjiek-tjiek bibie tasirah bagai tasanjum baguntjang hati, mabuak surang urang sarantjak saelok itu kan tingga surang baibo hati sasaklah angok Sutan Karunia indak dapek kan disabuik. Takana pulo nak mambuka ketjek mukasuik hati pai marantau takuik Mariam baibo hati awak lah biaso dimandjokan sagalo karadjo bawo baduo kini kan tingga surang sadjo. Lah panek bapikia-pikia tadanga kukuak ajam djantan sahuik manjahuik ajam nan lain alah laruik tjandonjo hari takalok Sutan Karunia lalok nan indak lamak bana lalok sakalok barasian lah bara lamo antaronja tadanga pulo kukuak ajam tadanga kitjau unggeh murai badantang tabuah masadjik tandonjo hari lah subuah didjagokan Siti Mariam makasuik nak pai mandi sananglah hati Siti Mariam dek pandai Ka runia mandjagokan mandi bakusuak sapagi itu tapi sung guahpun baitu badan Karunia taraso barek dek kurang lalok samalam tjako.
Lah tinggi tandonjo harilah masak nasi Siti Mariam sarato samba duo tigo ditatiang nasi katangah
