25
Barakik-rakik mudiak kahulu
baranang-ranang katapian
Batjarai-tjarai kito dahulu
kok lai kan sanang kamudian
Manduduik timbakau Padang
dimakan sadidih pinang
Bia den tjubo marantau surang
asa adiak kok lai sanang
Mandanga kato nan bak kian tamanuang pandjang Siti Mariam bapikia-pikia kan pandjawab lalu bakato Siti Mariam : Kok hambo pikia-pikia bana sulik dihambo malapeh tuan tjubolah pikia bana badan surang tongga babeleng indak kasia kan mengadu kok njampang sakik ngilu pantang tuan djauh denai pun djauh labiah2 bak tjando kini kok lai bana awak bamamak labiah sarupo mamak urang indak njo tahu dikamanakan hanjo dirintang bini sadjo badan basanda katuan surang iduik mati ditangan tuan kalurah namuah ambo pai ka bukik samo mandaki tidaklah denai kan melak pado iduik badjauah-djauah barek ringan nak ditangguangkan sulik diambo manjabuiknjo kan pai hambo djo tuan tuan kok tidak basadio kok tingga hati kok ramuak kini tasarah katuan surang saban baitu kato hambo barek rasonjo manjambuang ketjek kok ditjubo mengetjek djuo aie mato nan kabadarai ibo rasonjo hati denai ambo biaso diadja mandjo kama pai kito baduo indak panah batjarai badan kini kan hambo tuan tinggakan rasokan tabang njao dibadan tapi kok buliah pintak djopinto djauah samo kito djalang sakik sanang pakaian hiduik tandonjo kito urang ba Tuhan.
Manggamang paluah Sutan Karuniamandanga kato adiak kanduang aie mato raso kan rateh tjando makan buah mangkadu kan dimakan rasonjo paik kok dimakan badan baubak panek bapikia-pikia surang untuak man
