26
tjari kan djawabnjo: Diak kanduang Siti Mariam usah adiak bapikia bana denai pai indak kalamo kok elok untuang djo bagian den djapuik adiak lakeh-lakeh kok kini adiak hambo bawo rumah nan alun tantu ado dima no adiak kaditinggakan pasanang sadjolah hati adiak sungguah hati nan batjarai dihati nan tidak balupokan lapeh dek adiak djo hati sutji.
Mandanga kato tuan kanduang : (djanjo Siti Mariam) hambo lapeh tuan djo hati sutji usah tuan bapa liang kato lakeh malah tuan babaliak kok dibadan diri denai usah tuan baduo hati adat hiduik silieh baganti salamo susah kok lai kasanang pabilo tuan barangkek buliah hambo basadio baka panganan kain badju nak buliah pulo hambo hantakan kaparantian oto Kampuang Tjino tandonjo sutji hati malapeh.
Sananglah hati Sutan Karunia mandanga kato adiak kanduang kato rantjak buaturan lamak didanga dek talingo. Tapi sungguahpun baitu ado djuo kan disa baik diak kanduang Siti Mariam danga dek adiak elok-elok kok siang djadikan tungkek kok malam kan djadi kalang njatolah adiak lah baradait Kok ba karik djo baipa djago adaik djan binaso kok bakawan samo gadang djago taratik dengan sopan kok badjalan balambek lambek kok bakato dibawah-bawah djago ba dan elok-elok usah adiak bagadang hati itu sadjo pintak denai sakian hanjo pitaruah denai kan ganti djimat siang malam salamo badan kito batjarai. Nan kan pandjawab tanjo adiak denai pabilo hambo kabarangkek iolah hari Rabaa dimuko ko lah sudah izin mandeh bapak.
Lah tibo hari Sinajan basadio Siti Mariam ditjakau ajam dikandang dipiliah nan gapuak-gapuak untuak dirandang kadibawo marantau untuak suami kanduang awak io Sutan Karunia nan hari sahari nantun Mariam nan
