27
indak mabantikan tangan lah masak pulo pangek ikan sarato randang dendeng rabu sahari bisuak badan babaua sudah tu kan djauah hanjo lai tuan kapai adiak kan tingga antah pabilo kan basuo.
Malam lah tibo badan lah latiah ibo hati Sutan Karunia mantjaliak bini bapajah-pajah rintang manjamba djo manggulai hari batambah laruik djuo sinan bakato Sutan Karunia : Diak kanduang Siti Mariam eloklah kito lalok lai bisuak karadjo disudahkan lah manggolek Sutan Karunia mandjua pulo Siti Mariam dek samo mato takantuak lalok lamak kaduonjo indak tahu hari lah siang lah kiro kiro pukul salapan matoari lah tinggi atah langik tasintak pulo kaduonjo dikusuk mato dek Mariam digan djua langkah kapintu biliak lah tinggi tjandonjo hari.
Dinan hari sahari nantun karib baid lah badatangansambia manolong karadjo tingga urang lah tahu kasadonjo bahaso Sutan Karunia kamarantau io ka Medan tanah Deli. Baitu pulo Sutan Karunia dihari sahari nantun didjalang mandeh bapak kanduang ninik mamak sanak sudara min tak maaf djo karilahan kok lai taupek tapudji nan manjangkuik dunia akirat ditamui pulo sasamo gadang maso badan kutiko mambudjang tatjangang kawan kasadonjo mandanga Karunia kan marantau etan ka Medan tanah Deli.
Sananglah hati Sutan Karunia hari patang karadjosalasai digandjua pulang karumah bini ditjaliak Mariam sadang sibuak patuik ditungkuih lah ditungkuih patuik dikabek lah dikabek pai Karunia masuak biliak diambiak kopor kuliek tiok lalu di isi djo pakaian dimasuakkan badju duo tigo sarawa pantalon djo badju Tjino lah panuah kopor dek pakaian sinan bakato Siti Mariam : Elok makan kito dahulu sabab hari alah sandjo ditatiang nasi dek Mariam nasi putiah djo ikan gadang tjukuik djo kue minum kopi salasai minum djo makan diisok rokok sabatang dihiruik dimanuangkan tabajang-bajang
