28
kota Medan baraso kasanang hati Mariam kok elok sadjo pantjarian lakeh-lakeh babaliak pulang mandjapuik adiak kanduang badan disimpan sadjo dalam hati.
Dek lamak ota-maota baragiah kasiah samalam nantun tapi galak baelokkan djuo hati didalam hantjua luluah untuak parintang adiak kanduang kok di pikia bana-bana galak tak dapek digalakkan lamo sabanta antaronjo lah lalok kaduonjo lalok djo adiak kanduang badan samalam itu kan basamo isuak badan kan batjarai mato nan indak takalokkan rintang bapantun pantun djuo :
Durian masak sabalah
nan sabalah dilariek kumbang
dibawo nak rang Lubuak Kapiang,
Kasiah sajang indak barubah
bia djauah nampak dipandang
tuan nan usah tegak bapaliang.
Djam gadang di Bukittinggi
nampak nan dari Padang Lua
kamudiak djalan nak ka Padang.
Sadang kasiah tuan ka pai
baibo hati adiak tingga
bilo maso tuan kan pulang.
Kok kalurah bawo parian
usah lupo mambawo niru
bawo lalu kakida djalan.
Alah lamo tuan badjalan
indak ado tampek mangadu
tagamang hambo ditinggakan.
