30
Ka Ngalan djalan ka Baso
kakida djalan ka Galuang
babelok-belok mako ka tibo.
Ambiak pisau balah lah dado
nak sanang hati diak kanduang
buliah tantu hitam putiahnjo.
Rintang bapantun pantun djuobalapeh kasiah samalam nantun nan tak disabuik lah disabuik dibatjo mano nan takana indak ado basimpan-simpan bisuak kasiah kan dibagi dibawo oto lari kantjang kok dikana kana bana sulieklah kato mangabakan.
Hari samalam-malam nantunbalapeh kasiah Sutan Karunia duo djo Siti Mariam raso badan hangek-hangek dingin kadang-kadang hati dingin kadang-kadang hati pun rusuah angek hati Sutan Karunia raso tabajang tanah Deli habih angek tibo dingin takana adiak nan ka tingga pabilo maso basuo pulo suruik baliak pikiran Sutan bak nantun pulo Siti Mariam kok pai tuan kanduang badan djo sia badan baijo lai dilapeh hati kok ibo indak dilapeh hati nan buntjah. Kok dipikia bana-bana relo badan mati bak kini pado batjarai badan djo tuan babajang-bajang ibo hati sadang bapikia-pikia nan bak nantun samo takalok kaduonjo lalok dibawo mimpi ran tjak raso badan ditanah Deli pai baduo djo Sutan Karunia bak nantun pulo Sutan Karunia babuai karuah maso itu sarupo darum kureta api dek lamo lalok Sutan Karunia baitu pulo Siti Mariam ampia pulo kasiangan didanga murai alah bakitjau djagolah Mariam maso itu dilengong pulo tuan kanduang sadang lamak injo lalok ibo hati mandjagokan tapi sungguah nan bak kian takana tuan ka badjalan badjalan katanah Deli djandji lah sudah dipabuek pukul duo oto barangkek didjagokanlah tuan
