31
kanduang lalu baduo pai mandi bakusuak djo sabun harum sabun harum mako babuihnjo lah sudah mandi bakusuak lah pulang injo baduo Sutan Karunia djalan di muko Siti Mariam mairiang dibalakang mambawo handuak sabun harum hati batambah risau djuo.
Lah sudah makan djo minumlah basegeh Sutan Karunia bak nantun pulo Siti Mariam dilakekkan badju nan rantjak badju suto gadang ragi tapasang kain batik tulih pambalian Sutan Karunia dipatuik-patuik badan diri alah sudah mamatuik badan datanglah urang suok kida sarato karik dengan baid malapeh Sutan kabadjalan dibawolah kopor kahalaman sarato pambawaan baka didjalan bendi alah manantikan lah tinggi tjandonjo hari barangkek Sutan hanjo lai djo urang pai maantakan tigo bendi kasadonjo bapak mandeh pai pulo kudo manduo-duo ketek lah tibo garan di Kampuang Tjino lah turun Sutan Karunia disuruah karitjih ka naik oto lah sudah karitjih dibali dinaiukkan sado nan paralu iolah kopor djo barang-barang.
Basalaman Sutan Karuniasalam bapisah djo Siti Mariam salam batjarai kasiah sajang tingga adiak tinggalah sajang bakato Sutan Karunia : Lapeh dek adiak kanduang hambo hambo badjalan hanjo lai kok lah tibo hambo disinan dibuek surek tjapek-tjapek Sakalian injo djo hati hibo baitu pulo djo mandeh bapak sarato urang maantakan. Kok dikana-kana bana kok indak kato nan tadorong indak katalok badan batjarai tapi sungguahpun damikian djan-dji nan musti ditapat-i itu tandonjo urang iduik salam badjawek dek Mariam raso kan tidak tangga-tangga tapi malu diurang banjak di simpan tangih dalam rangkungan sasak raso batang lihie bakunang kunang raso pantjaliak-an badan bak raso bajangbajang manakua sadjo Siti Mariam takua burai aie mato
