32
Ditoruik bapak djo mandeh mintak maaf gadang -gadang sabak sadjo mandeh Karunia anak surang djo long gadang satapak tidak panah batjarai kini injo kan pai djauah tapi sungguahpun baitu bakato djuo garan bapaknjo: Patjik pitaruah baik baik pagang amanat arek arek elok elok anak diratau pandai pandai mandjago badan bapikia dahulu kan mambuek usah diguluik digalosong santun pado kawan-kawan usah waang suko bauru uru awak djauah dirantau urang indak ado tampek mamintak kasia badan kaditurumpangkan kok bapitih urang mandakek kalaulah habih urang man djarak himaik himaik ang djo pitih usah ang haro jal rojal kok lai usah dimakan kok indak baru dima kan baitu iduik baru salasai labiah awak dirantau urang pandai-pandai bainduak samang io djuo bak kato urang:
Kok pandai bakain pandjang
labiah panako bakain saruang.
Kok pandai bainduak samang
labiah panako mandeh kanduang
Singkarak djalan ka Solok
babelok djalan ka Salajo
Dek kajo urang tak harok
budi elok urang tadajo
Kok tibo di Medan tanah Deli usah ang lupo dikami njatolah kami tuo tuo indak ado tampek baijo waang baru anak gadang baitu pulo habadat usah ang lupo disumbajang mintak sjukur pado Tuhan kok ang balalai lalai malarak badan isuak nak tak guno pitih ditjari kalau indak ba-agamo kok iduik manda pak kutuak apo dikatjo apo djadi lah banjak tjonto njo nan den lihek
Dek rintang mangetjek-ngetjek oto lah hampia
