34
IV.
SUTAN KARUNIA DI MEDAN
T A S A B U I K Sutan Karuniaoto badjalan lari kan tjang indak tahu djo kasiah sajang lah tibo garan di Lubuak Sikapiang turun panisia kasadonjo mano nan litak pai makan mano nan hauih minum kopi kononlah Sutan Karunia paruik indak amuah makan hauih indak amuah minum dek takana di nan tingga salah sumbajang Sutan Karunia lah sudah sumbajang 'asar dibatjo doa duo patah mamintak kapado Tuhan salasai sadjo padjalanan indak ado aral malintang dek asiek Sutan Karunia indak tahu oto ka badjalan tuter babunji maimbau-imbau takadjuik Sutan Karunia dilihek urang alah bagageh naik ka ateh oto nantun oto A de Lim maso itu digandjua tagak dek Sutan Karunia lalu balari tjapek-tjapek naik bagageh ka ateh oto.
Oto lah badjalan pulo baliakturun mandaki rupo djalan babelok babilin baliku-liku bunji kalason baibo ibo ditambah pulo bunji tuter dek pandai sopir bakalason tabiar kantuak Sutan Karunia raso tabajang adiak kanduang nan banamo Siti Mariam raso nampak galak manihnjo raso tabajang lenggang djalannjo katjipeh-ka tjipehnjo tangah rumah dalam manjadiokan barang lakinjo kini lah djauah dari mato antah pabilo kan basuo kok indak malu kaurang oto kok indak sagan kaurang kampuang raso kan diputa djalan babaliak indak djadi pai marantau tapi takana awak laki-laki diuruik sadjo badju didado bak pantun urang djuo :
