35
Panto sudah tapantokan
tahantang halimau puruik,
Kato sudah takatokan
bapantang babaliak suruik.
Sambia marinai-rinai ketek bapantun Sutan Karunia :
Kok nak tahu djo lamak balam
makan sadjo pangek udang,
Kok den kana bantuak Mariam
namuah sadjo babaliak pulang.
Bukan den takuik pai mandi
takuik den kabasah-basah
mandi dilubuak siang-siang,
Indak den takuik marantau kini
ibo hati bapisah-pisah
badan sadang bakasiah sajang.
Rusuh duduak Sutan Karunia adiak kanduang takana djuo sadang manga injo kini antah tamanuang dalam biliak duduak bamanuang batopang daguak dilihek kalambu suto sirah urang panghuninjo alah djauah kutiko kan lalok surang sadjo bakawan banta gulieng sadja nan tuan lah mangirok sadang tabang katanah Deli. Tasantak Sutan Karunia dihapuih mato bagalamiek kok sarupo iko bana indak kan lamo lalok marantau alun sakali duo kali balun badan bapisah djo kampuang baitu pulo djo mandeh kanduang tapi nan barek papisahan iolah djo adiak Siti Mariam.
Dalam pado maso ituoto balari kantjang djuobuek babalik lereng bukiek kadang-kadang masuak kampuang urang antah koh apo garan namonjo tapi indak sarupo
