36
djo kampuang awak djo kampuang Mariam djauah sakali daerah Tapanuli djanjo urang. Oto nan badjalan siang malam larinjo tjapek bukan kapalang banji kalason baibo djuo batambah djauah rasonjo hati nan tingga takana djuo io nan djombang Siti Mariam oto lah sampai dikota Siboga lapeh nan dari kota Siboga dalam mandjalang kota Tarutuung djalan mandaki babelok belok kelok Saribu djanjo urang rantjak alam bukan kapalang tamanuang pandjang Sutan Karunia bak raso ado kan parintang dibanamkan pangana ibo dek batjarai djo diak kanduang kok pangana sarupo iko djuo tampan indak kan salamat elok djaan ditjubo pai marantau kok tabaua djuo dapua mandeh nagari urang djaan disabuik kok takana pulo bini rantjak dja an ditjubo badjalan djauah elok tingga dikampuang sadjo gilo babega dalam rumah ambiek sabik digandjua langkah ditjari rumpuik nan pandjang sabikkan rumpuik taranaknjo takanak badju sagalo buruak awak si Sutan djanjo urang lah kanai pakesiah dek bininjo kakok karadjonjo sapandjang hari dari pagi lalu nan malam badan nan indak segeh lai io sarupo djo Muntjak Udin.
Dalam pado maso itu Espres Ade Lim balari djuo lah sampai dikota Tarutueng oto baranti hanjo lai turun panisia kasadonjo malapeh rangkik-rangkik duduak dioto kok kan makan buliah makan kok kan minum buliah minum turunlah pulo Sutan Karunia paruik lah taraso litak bana lah lamo diguntjang oto manudju injo kasabuah lapau lapau nan rantjak pakai merek nampak sambanjo susun basusun tabik salero mantjaliak sarupo masakan Siti Mariam. Alah diadjun tjandonjo langkah masuak lapau nan nantun tapi tadanga sapo urang io kawan duduak samo saoto : Manolah Sutan djanjo hambo kok lai Sutan namuah mandanga-dangakan tjarito dari ambo : Takadjuik Sutan Karunia dilihek kawan nan manjapo samo gadang djo awak bana dalam oto
