Tjarano siriah pinang !
AMPUNILAH kami diurang banjak baiak panghulu niniak mamak maupun ulama tjediek pandai ataupun urang mudo mudo ditulunkan kapalo nan satu disusun djari nan sapuluah manjampeikan kanduangnjo isio hati.
Kami mangarang tjurito lamo lamo nan tidak lamo bana jolah maso pendjadjahan maso Balando mamarintah tatapi tukasnjo itu nan utamo hanjo kato nan kami saluik kaba tjarito urang mudo maso kini nak djan tadorong salah sadjo tandonjo hiduik bapadoman indaknjo sasek dilautan lai tantu kan ditudju kok pulau nagari urang untuak kabaka ateh dunia nak santoso dunia achirat sasuai pulo djo djaman kini djaman merdeka djanjo urang
Sabuah lai nan takana tjurito urang maso kini dibao gaja Minangkabau bahaso baralun klassik lamo makasuik manaikkan pusako urang tandonjo habiso kato-kato kok pandai manjusun buliah dibantuak rantjak baru manuruik gaja djaman baru tamasuak realis djo idealis djan djuo dikato urang M nangkabau tingga diminangnjo tapi samantang pun baitu kito tjubo bagulambek dibao asa kamulonjo kito susun tjarito lamo sasuai rasan djo djangkonjo
