9
Alah sudah minum djo makan diliek hari baram bang patang sanan bakato guru Amia mamintak izin pulang karumah.
Dek elok budi guru Muin diambiak pitih ampek ringgik disalangi guru Amia maliek pitih ampek ringgik baminjak muko kasukoan urang hauib dibri aia urang litak dibari makan guno djo apo kadibaleh.
Bakato guru Amirudin bari izin babaliak pulang badjalan guru Amia badjalan maadok pulang hati didalam sangaik sanang.
Alah tibo tjando dirumah duduak sabanta dikurisi tadanga urang manokok pintu pintu dibukak Siti Dalima upeh pos maanta surek surek kuniang ampolok pandjang surek datang dari Batawi surek pindah ka Padang Pandjang sarato djo mandaik gadji
Gadji salamo tidak karadjo dibaia panuah samuanjo mandanga bunji dalam surek raso malompek kasukoan dibuek disi selat gadji diisi sagalo partanjaan dikumpua gadji nan satahun dibaia panuah samuanjo.
Hari samalam malam itu raso ditjabiak hari kajiang pangana kapado pitih djo mamintak sjukur pado Allah lapeh nan dari sangsaro laruik malam makonjo lalok sakali ajam bakukuak tjukuik kaduo hari lah siang.
Lah siang tjandonjo hari bakato guru Amirudin manolah adiak Dalima indak lamo kito disiko lah tibo surek bakaradjo mandjadi guru di Padang Pandjang disanan tasuruah hambo maadja timbua bulan kito barangkek lorong kapado barang adiak barisuak kito tabusi.
Mandanga kato guru Amia tasimbah muko kasukoan tampak galak si Dalima bakato guru Amirudin kapado bininjo si Dalima manjuruah bali apo katudju dibari pitih sapuluah ringgik.
