10
Kan io Siti Dalima baru maliek ringgik gadang galak tasanjum maso itu dituka pakaian hanjo lai takanak gabaja pendek lakek kodek batiak Solo pakai salendang suto Bumbai tapasang tarompa tinggi tumik disandang tas pai kehalaman adiak manuruik duo urang mambao kambuik pambalian.
Kan io Siti Dalima awak rantjak pandai mamakai maliek rantjak Siti Dalima galak tasanjum guru Amia diliek sadjo djo suduik mato lenggang lenggoknjo si Dalima padjalanan sigandjua luluah pado pai suruik nan labiah samuik tapidjak tidak mati alu tataruang patah tigo patuik tatawan guru Amia.
Kan io guru Amia badjalan kapadjak gadai ditabusi barang si Dalima tidak ado nan tingga tju kuik tatabusi samo sakali sagalo gatang lontin ameh tjukuik djo tjintjin paniti rantai lah sudah tatabusi sa nang hati si Dalima bunji galak badarai-darai. baitu djuo mande kanduang muluik manih bak tangguli pandai mamudji-mudji minantu pudji djo sandjuang tiok hari.
Lorong kapado Amirudin urang tjadiak tjandokio budi baiak lakunjo elok barang karadjo dipikiakan tidak ado lalompek-lompek alamnjo laweh radangnjo lapang tidak pandai bangih djo berang bakato balunak lambuik kato sabuah bapikia-i badjalan maengo suruik awa dikana akia dikana budi haluih paham jo data patuik injo mandjadi guru lah tibo djandji ditapuak iolah padang nan baukua.
Badjalan ka Padang Pandjang mandjadi guru sikolah satu dapek rumah di Pasa Usang rumah ketek lamuek baduo indak ado rumah nan lapang tapi sungguah nan bak kian sanang djuo paratian adiak batuo tidak manuruik pulang djo mande ka Pariaman.
Sadjak tingga di Padang Pandjang kok pitih lai taraso lorong kapado si Dalima urang tjadiak kuaik tabarang.
