11
Salamo tingga di Padang Pandjang dapek tabali masin Singersampai mukasuik si Dalima sadjak dahulu tjinto hati kinilah baru tasampaikan apo pintak lai balaku apo kahandak lai babari.
Maliek guru laki bini sasuai sadjo tiok hari pandai manenggang hati bini salah saketek dima'afkan diadja sadjo djo muluik manih tidak ado bakato dareh urang maliek suko hati tidak ado urang maupek banjak urang nan mamudji kan io guru Amia lah limo bulan di Padang Pandjang banjak kawan samo gadang pandai babaua djo urang banjak tidak ado urang nan bangih bahati suko samuanjo dek elok paham guru nantun.
Kan io Siti Dalima dek imaik balandjo kadimakau tasimpan pitih tiok bulan batukua mambali barang bahati suko tiok hari tidak ado bahati susah.
Bakato guru Amirudin karano hari kapuaso e'ok pulang kito dahulu kito puaso dikampuang sikolah balutuik dalam puaso katonjo guru Amirudin mandanga kato nan bak kian galak tasanjum si Dalima.
Kan io sahari nantun didjaik badju duo tigo dibali pulo kain batiak kain batiak nan haluih-haluih barapo harago tidak dihetong asa dapek nan haluih ragi.
Indak elok dirandang katjang
Diambiak sadjo nan babungo.
Indak guno dipapandjang
Diambiak sadjo nan paguno
Lorong kapado guru Amirudin sarato Siti Dalima lah tibo didalam kampuang io diranah Kampuang Perak dalam nagari Pariaman banjaklah urang nan maliek injo lah lamo tidak pulang banjak tabao barang barang pakaian panuah ampek kopor nan babung kuih lai pulo.
Tasirah ameh dilahia sampai kapusek ringgik bakarang tabao pulo masin Singer urang maliek banjak
