12
mamudji lai babari rasaki guru gadjinjo sangaik gadang guru lapasan sikolah Radjo.
Alah sahari duo hari tjukuik katigo hari papek hari nan sadang paneh pagi barisuak urang kapuaso bulan balimau maso itu matohari sapanggalan kiro kiro pukua salapan lah sudah minum djo makan kdiisok rokok nan sabatang asok mandulang kaudaro bamanuang guru dikurisi karu pikiran guru Amia.
Diukia ukia saruang Padang
Disimpai mangko dipaluik
Dipikia pikia duduak surang
Raso kakanai gandjua suruik
Sanan bakato guru Amia adiak kanduang Siti Dalima dangakan diadiak pantun sabuah
Lauik Tjino bapetak petak
Pulaunjo babatu batu
Karuntuang batuang babalah
Reda djo ma'af hambo pintak
Hiduik kito tidak tantu
Njao didalam tangan Allah
Karano hari kapuaso sabab basuruah sapandjang kitab kok ado muluik nan tadorong ataupun kato nan talompek atau kok kaki nan talangkah ma'afkan kini kini lakaio badan lai disiko
Kapiliang di Sasuaso
Dibao nak rang ka Singkarak
Rundiangan sakali nangko
Antah pulang antah tidak
Mandanga kato guru Amia tasirok darah si Dalima hati didalam tidak sanang bakato si Dalima bakato sadang bapantun
Kudo nanamo sikuntano
Tapaud didalam hutan
Tarok darah didado
Mandanga tuan kabadjalan
