13
Katonjo Siti Dalima kan io mande Dalima heran tatjangang mandangakan.
Bakato guru Amirudin dangakan bana den kalokan buliah ditjurai dipapakan takana diadiak maso dahulu takalo kito tingga di Padang datang tjobaan dari Allah hambo nan tidak bakaradjo kito nan sangaik mularaik bana misikin badan maso itu hutang banjak suok kida tagadai galang djo subang sarato tjintjin kain badju untuak balandjo basamo.
Kan io samaso itu tidak tatahan bansaik dihambo elok adiak katiko ado kok tidak adiak mailak dielok sadjo dapek baio kan io samaso itu adiak mamintak surek tjarai talak tigo adiak mintak.
Hambo tak suko mambari malu hambo diurang kampuang barang adiak titjin tandeh tasando karumah gadai kini barang alah kalua tatabusi sagalo barang tidak sabuah nan tingga kini kahandak hambo bari disiko pintak dipalakukan.
Hambo batjarai djo Dalima talak tigo kini kini sia mandanga djadi sasi adiak balun baranak murah baru mantjari laki lakeh dapek nan panuka.
Tabantang djalan ka Solok
Batang langsek hatimba djalan
Sajang adiak katiko elok
Lah bansaik batjampakkan
Lajang lajang panjamba bujih
Parapati tabang kabuo
Kasiah sajang ditjari buliah
Tampaik hati djarang basuo
Lah sudah injo bakato diambiak surek dalam sa kuik surek tjarai djo Dalima dilauikkan surek kaharibaan badjalan turun kahalaman tidak maingo ingo lai.
