17
Diduleng sadulang lai
Pandulang ameh Balingka
Diulang saulang lah
Paulang kaba nan tingga
Birauari si Dalima sadjak batjarai guru djo Amia dima duduak dima bamanuang takana salah maso dahulu disangka buruak Indak kaelok lai bagageh mintak ijazah takana elok guru Amia barapo gadji diberikan baru satahun pambaruan tabali tjintjin galang ameh bakain bakopor kopor tabali masin singer kok dapek anak djo buah babaca batahun tahun tantu den kajo rajo laluka rumah nan asang tapagang sawah djo ladang mande duduak djo sukatan lah tarang laki guru gadang balaki urang bapangkaik urang Sagan pado awak kok diganti guru Amia dari andjuang turun ka sampan manjasa gadang si Dalima bamanuang baangan angan duduak bakato-kato surang bakato kato dalam hati
Banta dahulu banta buatan
Banta kini lain ruponjo
Sasa dahulu pandapatan
Sasa kudian apo gunonjo
Takana elok si Amirudin labiah satahun babaun tidak ado silang salisiah bakato djo lunak lambuik indak pandai bakato dareh, sapuluah kali baganti sarik lah urang saeloknjo baitu pikiran duduak surang takana elok guru Amia hibo hati kusuik pikiran
Diliek urang lain lai pulo injo balaki lah dapek anak batigo tidak takatjok ameh samiang.
Injo babini sapandjang adaik pulang injo tiok hari napakah haram lai diisi duduak manakan siucik sadjo baitu laki laki na banjak kan io si Dalima urang pandai batutua pandai barundiang muluik manih mambao gura pulang babaliak lorong kapado guru Amia hatinjo putuih bak patah baitu lonjo kabatjarai tigo bulan duduak bapikia.
