20
muang guru Amia mano kau adiak Zahari lakalo adiak pai kapakan bara pambalian adiak tjako katonjo guru Amia mandjawab Siti Zahari kok itu tuan ta njokan tidak barapo pitih habih kiro kiro ampek ringgik.
Baru mandanga ampek ringgik tangango arang guru Amia kalau baitu garok adiak rokah bana pambalian alamaik sansal badan kito indak tjukulk gadji sabulan katonjo guru Amia mandanga kato suaminjo masam mukonjo Siti Zahari njato injo pantang ditjatjek baitu adjaran mandenjo anak di pudji disandjuangkan tidak disuruah disarajo injo balelo djo halinjo kadapua haram sakali djuo mande mandjadi babu djo koki anak salalu dimandjokah bak mananai minjak panuah io djuo mamang urang sajang dikampuand ditinggakan sajang dianak dilatjuli anak ditundjuak diadjari usah dilapeh lalang sadjo mularaik sadjo kasudahannjo.
Kan io Siti Zahari sadjak balaki djo guru Amia hati nan tidak sanang lai apo karadjo makan tjatjek awak bapajah pajah sadjo takana sanang tingga djo mande rumah gadang babiliak biliak tjukuik barando djo langkan kok nasi rintang manjuok manjapu batanak indak ado kain rintang mamakai sadjo tidak panah manasah manjabun.
Nan susah bana di Padang Pandjang rumah sampik tampaik tingga nagari dingin hudjan sadjo kampih paruik kadinginan nagari diantak tjorek dingin sampai katulang tidak kamano kabadjalan rintang bamanuang tiok hari susah hati si Zahari urang banjak manggadjakkan ado sabanta antaronjo tampak suaminjo dihalaman lah naik tjando karumah.
Sanan bakato Zahari manolah tuan angku guru lorong kapado badan hambo sadjak tingga disiko tidak ado badan nan sanang kapalo ngilu patang sadjo nagari talampau dingin ndak sarasi djo hambo elok pulang hambo dahulu babaliak pulang ka Pariaman
