21
io karumah mande kanduang katonjo si Zahari man danga kato nan bak kian sudah maalum dalam hati kilek baliuang lah kakaki kilek tjamin lah kamuko lalanjo badan damam batinjo malu diurang urang tahu suok kida bahaso tak pandai kadapua.
Indak alu saalu nangko
Alu tasanda ditabiang
Kok tasanda dibatuang
Buliah disaok djo mingkudu
Indak malu samalu nangko
Malu tatjoreng dikaniang
Kok tatjoreng dipungguang
Buliah disaok djo badju
Mandjawab guru Amirudin kok baitu kato adiak hari Saptu kito pulang pulang kakampuang Pariaman ubek-i bana badan adiak kok untuang lakeh barubah katonjo guru Amia mandanga kato nan bak kian sanangleh hati si Zahari dibilang hari nan kapulang kiro kiro ampek hari maliek hari ka Saptu raso didjabiak nak lakeh sampai.
Kan io samaso itu hari nan sadang hudjan labek bak ditjurahkan dari langik maliek guru kalaman pintu tampak urang ditepi dindiang bataduah ditjutjuran atok lolah anak gadih gadang alun ketek lalampau gadih tangguang garan namonjo umua baru anam baleh ru kuonjo pasi hadannjo kuruih manggigia badan kadingi nan badjunjo mipih kujak kujak
Maliek rupo nan bak kian hibo hatinjo guru Amia disuruah bataduah naiak karumah hudjan dan sibuk bak kiamat bunji patuih guruah kilek hari sadang barambang sandjo lah kalam tjandonjo hari naiak karumah anak nantun duduak basimpuah tapi pintu badan jo manggigia kadinginan gujah daguak dipandangi sadang babadju tigo lampih dingin djuo taraso karan ba dju mipih pulo basah kujuik kanai hudjan badju jo kujak bahu djo pungguang maliek rupo nan bak kian laruik pikiran guru Amirudin takana adiak nan dikampuang.
