25
suruah mamasak djo manggulai dipaso mandjaik manarawang manasah kain satinggi duduak lapeh manasah manarika sungguah baitu barek karadjo makan dibari karak babiak mamakan nasi dingin dingin sungguahpun baitu paiah Nurijah namun upek tibo djuo tidak ado pudji labiah sarupo budak babali jo djuo bak kato urang
Duduak barampek ateh andjuang
Singgah kabawah makan siriah
Sadjak mati mande kanduang
Nasi dimintak sumpah buliah
Rumah sikolah di Balantuang
Tampak nan dari kampuang Djati
Sadjak mati mande kanduang
Badan Nurijah tak elok lai
Dima diambiak hulu karih
Diambiak usah diladuangkan
Sadjak tingga djo mande tirih
Banjak sansaro ditangguangkan
Takalo Nurijah kabadjalan kalari ka Padang Pandjang malang tjilako maso itu injo nan sadang mambasuah piriang tagalitjjak dikulik pisang awak djatuah piriang badaram hantjua luluah tibo dibatu sabuah tidak ado nan elok hantjua luluah mangkuak djorong sagalo piriang haluiah haluih manangih manggaruang pandjang manggigia injo katakuikan ma liek rupo nan bak kian anak diburu djo pisau tadjam Nuriah balari kantjang tidak tapatjik patjikkan diurang larinjo kantjang katakuik-an dituruik labuah Birugo balari djuo maso itu dek injolah djauah diliek urang tidak ado badjalanlah injo batjapek tjapek diiriangkan padati kabau dek lambek lamo didjalan sampai injo ka Padang Pandjang.
Hari sadang hudjan labek bak ditjurahkan dari la ngik bataduan diljutjuran atok tjutjuran atok guru Amia badan sarupo manjijk tararang basah kujuik dihudjan labek paruik sangaik litak bana manggigia
