31
dai urang tapaladja sadjak ketek bakato guru Amirudin mano adiak Nurijah bari luruh hambo bata njo den pikia-pikia sadjak dahulu siapo garan ibu bapak apo karadjo bapak adiak tarangkan nan bak hari siangkan nan bak bulan tidak hambo salah tanjo tidak pulo salah siasek tanjo nan sabana tanjo usah adiak baduo hati elok djuo batarang-tarang katonjo si Amirudin.
Kan io si Nurijah susah hati mangalokan kok bakato taruih tarang bakato basiluruih kok urang indak patjajo dikatokan awak urang udju kalau baduto indak elok urang batanjo sabana tanjo sadangkan injo induak samang manolah angku djo den diangku dangakan bana parasaian.
Lorong kapado badan hambo urang mularaik sadjak ketek bapak hambo Mantari Polisi Mantari Polisi di Padang hambo baduo badunsanak kami sarupo anak balam saikua djantan saikua batino nan tuo si Ramali mandjadi karani dikota Medan baitu kaba kato urang tapi sungguah nan bak kian tahi batahun indak basuo antah hiduik antah mati kaba tidak baritopun tidak.
Hambo baumua ampek tahun mande barpulang ke Rahmatullah hiduik manompang djo mande tirih samaso bapak lai hiduik lai sikolah djo mangadji tammat sikolah kalas tudjuah malang tibo dibadan diri mati pulo bapak kanduang kan io dunsanak hambo tidak tatahan djo mande tirih tiok hari kanai kato sadang makan bakurang-kurang lari kakak dari rumah sampai kini indak basuo injo karadjo dikota Medan.
Sadjak mati ibu bapak marasai badan tiok hari sipak taradjang mande tirih apo nan dapek ditokokkan pisau sadjo tidak kalihia baitu bana parasaian bakato sadang manangih aia mato bak maniak putuih takana diuntuang parasaian
