34
aro sarupo buluah parindu pandai batutua babitjaro ditarangkan sagalo paedah sikolah diadjakan sagalo kapandaian kapandaian kaum ibu sadjak mamasak djo manggulai sarato mandjahik sulam manjulam langkok djo sudji manarawang sarato marendo djo batanun diadjakan kapado nan gadih-gadih.
Banjak bana hambo liek padusi tak tahu kadapua rumah kumuah balemak-lemak apo sabab nan baitu dek ulah mande kanduang mamandjokan anak sadjak ketek tidak disuruah disarajo tidak mangatjak baro angek anak disuruah balelo hati rintang bamain tiok hari sungguahpun nan bak kian pulang maatum kaniniak mamak sarato urang tjadiak pandai kan io kami padusi padusi sagalo lamah bantulah kami djo uang pitih kok tidak uang pitih tolong djo aka ma iah kami katonjo Siti Nurijah.
Kan io Sutan Amirudin maliek Nurijah bakatokato sarato tangan lantiak djari badantjiang subang ditalingo tadujuah pinggang nan rampiang maliek rupo nan bak kian kaluah kasah manahan hati tidak diso sarantjak itu.
Samaso di Padang Pandjang badannjo kuruih kariang makin sahari makin timbua bak rabuang katimbunan nan labiah bana nan mambunuah kanai gandjok suduik mato.
Api api tabang kadusun
Tibo didusun sampai kabanto
Indak inah kanai ratjun
Mati digeleang suduik mato
Bakato kato dalam hati kok Nuriah ganti Zahari alangkah sadjuak paratian tidak sadjo ruponjo rantjak lakunjo elok dipandangi kapandaian banjak pulo ba itu kato dalam hati kato pikiran Amirudin.
Lah sudah Nuriah bateseng turun injo dari padi um bunji tapuak bak karuntuah urang mamudji ka
